Tuesday, March 19, 2024
Google search engine
HomeWorldബർലുസ്കോണി 905 കോടിയുടെ സ്വത്ത് എഴുതിവച്ചത് ഗേൾഫ്രണ്ടിന്

ബർലുസ്കോണി 905 കോടിയുടെ സ്വത്ത് എഴുതിവച്ചത് ഗേൾഫ്രണ്ടിന്

റോം: കഴിഞ്ഞ മാസം അന്തരിച്ച മുൻ ഇറ്റാലിയൻ പ്രധാനമന്ത്രി സിൽവിയോ ബർലുസ്കോണി തന്‍റെ 100 മില്യൻ യൂറോ (ഏകദേശം 905 കോടി രൂപ) വില മതിക്കുന്ന സ്വത്ത് എഴുതി വച്ചത് മുപ്പത്തിമൂന്നുകാരിയായ ഗേൾഫ്രണ്ട് മാർത്ത ഫാസിനയുടെ പേരിൽ.

മരിക്കുമ്പോൾ 86 വയസായിരുന്നു ബർലുസ്കോണിക്ക്. മൂന്നു വട്ടം ഇറ്റാലിയൻ പ്രധാനമന്ത്രിയായിട്ടുണ്ട്. അദ്ദേഹത്തിന്‍റെ വ്യവസായ സാമ്രാജ്യത്തിന്‍റെ ആകെ മൂല്യം ആറു ബില്യൻ യൂറോ (ഏകദേശം 54,000 കോടി രൂപ) മതിക്കും. ഇതിന്‍റെ നിയന്ത്രണം ബർലുസ്കോണിയുടെ മക്കളായ മരീനയ്ക്കും പിയർ സിൽവിയോയ്ക്കുമായിരിക്കും. മാർത്തയ്ക്ക് കൊടുത്തതിനു തുല്യമായ തുക തന്‍റെ സഹോദരൻ പൗലോയ്ക്കും ബർലുസ്കോണി എഴുതിവച്ചിട്ടുണ്ട്.

മാർത്തയെ ബർലുസ്കോണി ഔപചാരികമായി വിവാഹം കഴിച്ചിരുന്നില്ലെങ്കിലും, മരണക്കിടക്കയിൽ, ഭാര്യ എന്നാണ് വിശേഷിപ്പിച്ചിരുന്നത്. 2018 മുതൽ ഇറ്റാലിയൻ പാർലമെന്‍റ് അംഗമാണ് മാർത്ത. ബർലുസ്കോണി സ്ഥാപിച്ച ഫോർസ ഇറ്റാലിയ പാർട്ടിയുടെ പ്രതിനിധിയാണ്. മൂന്നു വർഷമായി ഇരുവരും അടുപ്പത്തിലായിരുന്നു.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments